My NC750 trip van Potchefstroom tot in Kaapstad

[Henrico]

Ek het hierdie trip gedoen in September 2015. Ek moes vir werk Kaapstad toe gaan en het besluit om met my NC 750 te ry eerder as om te vlieg. Ek het die Vrydag weggetrek uit Potch uit in die rigting van Kimberley. Ek het al met die N12 gery tot by Britstown (baie mooi dorp) en daar afgedraai in die rigting van Clanwilliam (see se kant toe). Ek het die eerste dag gery tot in Vosburg in die Noordkaap waar ek in die hotel (Hunter's Inn) oorgebly het. Vriendelike mense, 'n lekker kroeg en gemaklike kamers - prys per aand was in die omgewing van R350 (aandete en ontbyt ingesluit). Die Saterdag het ek ongeveer 09h30 weer vertrek. Die mooiste gedeelte van hierdie dag se rit was die blomme langs die pad en veral die omgewing van Nieuwoudtsville. 'n Moet dink ek vir enige persoon (veral motorfietsryers) is om die Van Rhynspas net buite Nieuwoudtsville te ry - ongelooflike uitsig sover jy kan sien. Die Saterdag het ek gery tot op Klawer waar ek die aand in die Klawer Hotel oorgeslaap het - Fantastiese fasiliteite, lekker kos en as jy 'n Bloubulondersteuner is, is hierdie Hotel vir jou. Die kroeg en Restaurant het alles in wat te make het met die Bloubulle - van kepse, 'n blou kruiwa, foto's, handtekeninge, horlosies en nog meer - dit is natuurlik die eienaar Moorrees Smith se versameling oor jare - mens voel sommer tuis by hierdie mense in die Noordkaap. Dag 3, die Sondag het ek die laaste skof aangepak van Klawer af tot in Kaapstad - ongelooflike omgewing verby die Sederberg en Citrusdal - ek het net anderkant Piketberg van die N7 afgedraai in die rigting van die Weskus. Die eerste dorp daarna was Velddrif, toe Vredenburg en toe die ongelooflike Saldanha. Hier is 'n moet-middagete beslis by Slipway restaurant in die hawe. Jy sit omtrent met jou voete in die see terwyl jy mossels of calamari eet. In Langebaan het ek by Sparrows (winkel) gestop vir iets vir die familie en Pearlies (eetplek) om die draai het vir iets te drinke gesorg. Van hieraf was dit reguit Kaapstad toe. Met my terugkeer 'n paar dae later het ek dieselfde pad terug gery om weer al die lekker in te asem - Ongelooflike ervaring.

Attachments:

[Richard]

Nice Henrico...

Dit klink soos n fantastic trip gewees. Ek bly in Kimberley, maar ry altyd die N12 tot 3 Sisters, en dan N1 af Kaap toe.

Hoe is die pad gewees van Britstown in die rigting na Clanwilliam gewees? En is die route nie heel wat verder gewees nie?

As die paaie goed is, sal ek beslis daaraan dink om die route volgende keer te doen. Ek wil hoopenlik volgende jaar af ry Kaap toe, en dan die Garden Route doen. So dit sal nice wees om in ander pad af te vat Kaap toe.

Wat was jou average kilos per dag wat jy gery het? My die stock seat dink ek n mens sal nie meer as 400kms wil doen nie.

stuur ons nog fotos van jou trip.

Groete,

Richard

[Henrico]

Hi Richard, die pad van Britstown af is baie goed - geen potholes nie. Die roete is effens verder Kaap toe, maar die scenery maak dit absoluut die moeite werd. Die eerste dag het ek so net onder die 700km's afgelê - Ek hou daarvan om gereeld te stop (ten minste een keer elke 100 km) - ek het so 08h00 weggetrek en was ongeveer 17h00 in Vosburg. My seat is die standaard NC750 seat en ek was gladnie ongemaklik nie en ook nie seer nie. Die tweede dag het ek so 480km afgelê - dit was minder as die eerste dag daarom het ek bietjie later weggetrek en langer gestop langs die pad. Die laaste dag van Klawer af was so 385 - as jy met die N7 ry, maar omdat ek weskus toe gery het (absoluut die moeite werd) het dit bietjie langer geneem - ek het ook lank "gerus" op Piketberg waar ek eers in die SPUR geeet het. Ek was so 15h00 in Kaapstad. Ek het dit baie rustig gevat. Met my rit terug het ek net twee dae gery - bietjie vinniger, maar ek het steeds die scenery geniet. As ek kan raad gee - ek het die hele trip alleen aangepak - kon nie 'n ry-partner kry nie (my vrou wie gewoonlik saam met my ry kon nie saamgaan nie - sy het haar eie transalp). My voorstel is kyk of jy iemand kan kry wat saam kan ry - die kameraatskap maak so trip nog beter. **(ek sal probeer om nog foto's op te laai, maar ek sien ek kan nie drie op 'n slag laai).

Groete
Henrico

[Richard]

Naand Henrico,

Dankie vir die reply.   

Ek gaan beslis kyk om jou route te ry as ek volgende jaar afgaan Kaap toe om die Garden Route te doen.

Ek en my meisie beplan nog ons routes en ek't klaar vir haar vertel van jou trip Kaap toe. En ek dink daai afstande wat jy gedoen het is glad nie te sleg nie (behalwe vir die 700km stuk) Maar van Kimberley af sal dit seker onder 400km wees tot Vosburg)

Ek's bly om te hoor dat die paaie in goeie kondiesie was.    En seker ook maar stiller as om die N1 te ry, met al die trokke.

Kyk maar of jy oor die naweek nog fotos kan post.    Ek gaan anyway my meisie jou post laat lees.    Ek dink sy sal die pad ook Kaap toe wil ry.

Thanks weereens, en goeie naweek.

Groete,